Sektori për zhvillimin e sistemit edukativo-arsimor dhe zhvillimin e standardeve, planeve dhe programeve mësimore, që funksionon në kuadër të Byrosë së Zhvillimit të Arsimit, ka rol kyç në avancimin dhe formësimin e sistemit arsimor kombëtar
Detyrat kryesore të sektorit
Puna e tij përfshin përgatitjen e koncepteve për zhvillimin e sistemit edukativo-arsimor, si dhe hartimin dhe avancimin e planeve dhe programeve mësimore për të gjitha nivelet e arsimit – nga edukimi parashkollor, përmes arsimit fillor dhe të mesëm, deri te arsimi specialistik, arsimi i nxënësve me nevoja të veçanta arsimore dhe arsimi i të rriturve.
Sektori vazhdimisht ndjek nevojat dhe sfidat e arsimit bashkëkohor. Përmes përgatitjes së analizave, diskutimeve profesionale, konsultimeve publike dhe diskutimeve tematike, përcaktohen prioritetet dhe drejtimet për zhvillimin e planeve dhe programeve mësimore dhe dokumenteve të tjera konceptuale me rëndësi për sistemin edukativo-arsimor.
Puna e sektorit është e orientuar drejt sigurimit të arsimit cilësor, bashkëkohor dhe gjithëpërfshirës, që ndjek trendet globale dhe u përgjigjet nevojave reale të nxënësve, mësimdhënësve dhe komunitetit të gjerë.
Struktura e sektorit
Njësia për edukim parashkollor dhe mësim klasor
Përgjegjëse për zhvillimin e planeve dhe programeve mësimore në fazat më të hershme të arsimit, duke vendosur themelet për zhvillimin e mëtejshëm të nxënësve.
Njësia për mësim lëndor në arsimin fillor
E përkushtuar në zhvillimin e planeve mësimore dhe zhvillimin dhe harmonizimin e programeve mësimore në të gjitha fushat lëndore në arsimin fillor, me theks në sistematikë dhe cilësi.
Njësia për arsim gjimnazor dhe artistik dhe lëndë të përgjithshme arsimore në arsimin e mesëm profesional
E ngarkuar me krijimin dhe zhvillimin e planeve dhe programeve mësimore në arsimin gjimnazor dhe artistik, si dhe për lëndët e përgjithshme arsimore që realizohen në arsimin e mesëm profesional.
Përmes punës së integruar dhe të koordinuar të këtyre njësive, Sektori në kuadër të Byrosë kontribuon në vendosjen e një sistemi edukativo-arsimor stabil, bashkëkohor dhe efektiv, i cili siguron arsim cilësor për të gjithë nxënësit.
Udhëheqës i sektorit