Dokumenti “Udhëzime për avancimin e mësimdhënies” u dedikohet mësimdhënësve të shkollave të mesme, me theks të veçantë për ata që zbatojnë programet mësimore për vitin e parë. Ky dokument ofron udhëzime praktike për zbatimin e metodave bashkëkohore në mësimdhënie, me fokus zhvillimin e kompetencave si të menduarit kritik, zgjidhja e problemeve dhe shkrim-leximi digjital. Duke integruar lëndë të ndryshme dhe shembuj të botës reale, mësimdhënësit mund të motivojnë nxënësit dhe të përmirësojnë rezultatet e tyre akademike.
Shembujt në dokument janë hartuar me kujdes sipas programeve mësimore për vitin e parë, duke përfshirë detyrat dhe aktivitetet që lidhin të nxënit me sfidat e përditshme. Kjo qasje mundëson një proces dinamik mësimor që jo vetëm i përgatit nxënësit për sukses në testet ndërkombëtare si PISA, por edhe i pajis ata me aftësitë e nevojshme për jetën dhe punën në shekullin e 21-të.