Директорката на Бирото за развој на образованието, Милка Тримчевска, на 16 јуни 2026 година го посети ООУ „Климент Охридски“ во Македонски Брод, заедно со колешките Мирјанче Милошевска и Емилија Вељаноска.
За време на посетата, таа имаше можност непосредно да се запознае со условите за работа во училиштето и со посветеноста на наставниот кадар кон обезбедување квалитетен воспитно-образовен процес. На средбата со наставниците се разговараше за тековните активности, предизвиците со кои се соочува училиштето, како и за можностите за понатамошно унапредување на наставата.
Посебен впечаток оставија позитивната работна атмосфера, ентузијазмот и подготвеноста на директорот и наставниот кадар за прифаќање нови предизвици и имплементација на позитивни промени во интерес на учениците.
Директорката Тримчевска ја поздрави посветената работа на училиштето и изрази уверување дека со заеднички заложби ќе продолжи унапредувањето на квалитетот на образованието, посакувајќи им на вработените уште многу успеси и значајни достигнувања во иднина.
