Më 6 maj në Shkup u mbajt Gara Kombëtare e kompanive më të mira të nxënësve për vitin shkollor 2025/2026. Gara u organizua nga Junior Achievement Macedonia dhe në të morën pjesë 20 kompani nxënësish, përkatësisht mbi 100 nxënës nga shkollat e mesme të vendit, të udhëhequr nga mësimdhënësit e tyre mentorë, të cilët ishin pjesë e Programit të kompanisë së nxënësve. Programi bazohet në parimin e të mësuarit përmes punës dhe nxënësit, nën mbikëqyrjen e mësimdhënësve të trajnuar, krijojnë një kompani të cilën e zhvillojnë gjatë gjithë vitit shkollor.
Në hapjen e garës pati një fjalim nga drejtoresha e Byrosë së Zhvillimit të Arsimit, znj. Millka Trimçevska, e cila theksoi mbështetjen e Byrosë për ngjarjet dhe iniciativat që janë të përkushtuara ndaj avancimit të sistemit arsimor, i cili nxit mendimin kritik, kreativitetin, zgjidhjen e problemeve, inovacionin dhe frymën sipërmarrëse.
Fitues i garës kombëtare të këtij viti është kompania për nxënës “EcoBloom” nga SOEPTU “Kuzman Josifovski – Pitu” në Prilep. Bëhet fjalë për një aromatizues inovativ 3D të biodegradueshëm për vetura me farë – një produkt që nuk krijon mbeturina, por jetë.
“EcoBloom” – kompania më e mirë e nxënësve e Junior Achievement Macedonia do të udhëtojë në GEN_E 2026 në Riga të Letonisë, ku do të garojë me mbi 800 pjesëmarrës nga e gjithë Evropa!
I urojmë fituesit!
