Më 18 dhjetor 2024, në SHMK “Taki Daskallo” në Manastir u mbajt punëtori për mësimdhënës dhe nxënës të shkollave të mesme nga Manastiri, Resnja dhe Demir Hisari me temën “Njohja me dispozitat e Ligjit për Mbrojtjen e Konsumatorëve”. Punëtoria është pjesë e aktiviteteve të planifikuara të Byrosë së Zhvillimit të Arsimit në Programin për mbrojtjen e konsumatorëve për vitin 2024 (“Gazeta Zyrtare e RMV” nr. 32/24), e miratuar nga Qeveria e Republikës së Maqedonisë së Veriut, e përgatitur në në përputhje me Ligjin për Mbrojtjen e Konsumatorit (“Gazeta Zyrtare e RMV nr. 236/22). Qëllimi i punëtorisë është marrja e njohurive dhe aftësive themelore të nevojshme për përzgjedhjen korrekte dhe të besueshme të produkteve dhe shërbimeve, si dhe njohuri për të drejtat dhe detyrimet themelore të konsumatorëve dhe mënyrat e ushtrimit të tyre.
Në kuadër të punëtorisë, e cila ishte interaktive, mësimdhënësit dhe nxënësit mësuan për të drejtat e konsumatorit të garantuara me Ligjin për Mbrojtjen e Konsumatorit, për marrëdhëniet me konsumatorët, nxitjet e shitjeve, praktikat e padrejta tregtare, përmbajtjen digjitale dhe shërbimet digjitale, detyrimet e tregtarëve që ofrojnë shërbime publike, të drejtat dhe detyrimet si përdorues të shërbimeve të komunikimit dhe procedurat në zgjidhjen e mosmarrëveshjeve, si dhe për procedurën për realizimin e mbrojtjes së të drejtave të konsumatorëve.
Në fund të punëtorisë, drejtori i Byrosë së Zhvillimit të Arsimit, z. Abdulfeta Fetai, realizoi takim me drejtorin e SHMK Taki Daskallo, z. Risto Grujovski, nikoqir i punëtorisë. Në takim u theksua se kjo punëtori është vetëm pjesë e përpjekjeve të vazhdueshme të Byrosë së Zhvillimit të Arsimit në fushën e edukimit dhe informimit për ndërgjegjësimin për rëndësinë e bërjes së zgjedhjeve të zgjuara dhe të sigurta, si për veten tuaj, për të afërmit tuaj, dhe për mbrojtjen e mjedisit.
