Në hapësirat e Fakultetit Pedagogjik “Shën Klimenti i Ohrit” në Shkup, me rastin e 15 Marsit, Ditës Botërore të së Drejtave të Konsumatorëve, u mbajt manifestim nën moton për vitin 2025 “Transicioni i drejtë për mënyrën e qëndrueshme të jetesës”, aktivitet i Byrosë së Zhvillimit të Arsimit nga Programi për mbrojtjen e konsumatorëve për vitin 2025 (“Gazeta Zyrtare e RMV-së’’ nr. 24/25).
Në këtë ngjarje fjalën e mori prof. dr. Biljana Kamçevska, dekane e Fakultetit Pedagogjik “Shën. Klimenti i Ohrit” në Shkup, nikoqire e manifestimit dhe bashkëpunëtore tradicionale e Byrosë së Zhvillimit të Arsimit në krijimin e politikave arsimore në vend.
Fjalën e mori edhe u.d. drejtoresha e Byrosë së Zhvillimit të Arsimit, znj. Millka Trimçevska dhe u.d zëvendësdrejtoresha e Byrosë së Zhvillimit të Arsimit, znj. Shpresa Selimi, të cilat përshëndetën të pranishmit, duke theksuar rëndësinë e edukimit financiar për të rinjtë.
Manifestimi u pasurua me prezantime nga ekspertë të fushës, znj. Adisa Fazlioska, udhëheqëse e Njësisë për mbrojtjen e konsumatorëve në Ministrinë e Ekonomisë dhe Punës, z. Luan Imeri, anëtarë i bordit të rrjetit global dhe përfaqësues rajonal për Evropë dhe Azinë Qendrore – Aflatun dhe znj. Tatjana Tasevska, këshilltare juridike në Organizatën e konsumatorëve të Maqedonisë.
Vend të rëndësishëm në manifestim kishte shpallja e fituesve të Konkursit të Artit figurativ, qëllimi i të cilit ishte që fëmijët dhe nxënësit të shprehnin në mënyrë kreative mendimin e tyre kritik në lidhje me konsumin e qëndrueshëm, d.m.th. nevojën urgjente për ndryshime thelbësore në mënyrën se si ushqehemi, si udhëtojmë, si ngrohim dhe freskojmë shtëpitë tona dhe çfarë produkte dhe shërbime blejmë dhe përdorim. Konkursi artistik u organizua në katër kategori:
– kategoria e parë: MOS HIDH LODËR, DHURO ME DASHURI (fëmijët nga kopshtet e fëmijëve në moshën prej 4-6 vjeç)
Janë dorëzuar 58 vepra artistike nga gjithsej 19 kopshte të fëmijëve.
– kategoria e dytë: ZERO MBETJE USHQIMORE – JETË MË E MIRË DHE MË E SHËNDETSHME (nxënës nga klasa e parë deri në klasën e pestë – mësimi klasor)
Janë dorëzuar 116 vepra artistike nga gjithsej 52 shkolla fillore.
– kategoria e tretë: VESHU ME MENÇURI – MODË E QËNDRUESHME (nxënësit nga klasa e gjashtë deri në të nëntën – mësimi lëndor)
Janë dorëzuar 133 vepra artistike nga gjithsej 53 shkolla fillore.
– kategoria e katërt: TRANSPORTI I QËNDRUESHËM – ZGJIDHJE PËR NJË TË ARDHME TË GJELBËR (nxënës të shkollave të mesme)
Janë dorëzuar 38 vepra artistike nga gjithsej 19 shkolla të mesme.
Vendi i parë, i dytë dhe i tretë u shpërblyen për kategori veç e veç.
Në linkun e mëposhtëm janë të gjithë pjesëmarrësit e shpërblyer që morrën pjesë në Konkursin e Artit figurativ për vitin 2025.
Falënderim i madh për të gjithë partnerët që e mbështetën ngjarjen duke ofruar shpërblime për fëmijët dhe nxënësit që fituan në konkursin artistik: SETEK – gjithçka për teknikë, PORSHE e Maqedonisë, KAM Marketi, Hallk Banka, Serbez dhe EAM nga Shtipi.
